1. Цахим системээс авах үйлчилгээ
Та УИХ-ын Өргөдлийн байнгын хорооны цахим системд нэвтрэн дараах үйлчилгээг авах боломжтой. Үүнд:
- УИХ-ын дарга, гишүүд, Өргөдлийн байнгын хороонд өргөдөл гаргах;
- Өөрийн гаргасан өргөдлийн шийдвэрлэлтийн явцтай танилцах;
- Өөрийн болон бусад иргэдийн гаргасан өргөдлийн асуудлаар цахим хэлэлцүүлэгт оролцох, өргөдлийг дэмжиж гарын үсэг зурах, шинээр хэлэлцүүлэг үүсгэх, хариулах, саналаа илэрхийлэх;
- Өргөдлийн хариуг цахим хэлбэрээр хүлээн авах;
- Байнгын хорооны бусад мэдээллийг цахим шуудангаар хүлээн авах.
2. Хэрэглэгчийн бүртгэл, түүний аюулгүй байдал
2.1.Хэрэглэгчийн бүртгэлд өөрийн үнэн зөв мэдээллийг оруулан баталгаажуулах, тэдгээрийн өөрчлөлтийг тухай бүр оруулж байх үүрэгтэй. Хэрэглэгчийн оруулсан мэдээлэл худлаа байх эсхүл худлаа гэж үзэх үндэслэлтэй бол бид хэрэглэгчийг бүртгэлээс хасах, цаашид үйлчилгээ үзүүлэхээс татгалзах эрхтэй.
2.2.Та манай үйлчилгээнд бүртгүүлснээр өөрийн сонгосон давхардаагүй ID гэж нэрлэгдэх хэрэглэгчийн нэр болон нууц үгийг үүсгэнэ. Та өөрийн хэрэглэгчийн нэр, нууц үг, бүртгүүлэхдээ хийсэн бүхий л үйлдлийг хариуцах болно. Та системд нэвтрэн үйлчлүүлж байх явцад таны мэдээлэл аюулгүй дамжуулагдан мэдээллийн баазад хадгалагдах болно. Иймд хэрэглэгчийн нэр, нууц үгээ дамжуулахгүй байж, хэрэглэснийхээ дараа бүртгэлээ хааж байна уу. Хэн нэгэн танд мэдэгдэлгүйгээр таны бүртгэлээр нэвтэрсэн байж болох сэжиг илэрвэл бидэнд яаралтай мэдэгдэнэ үү.
2.3.Дараах нөхцөлд танд урьдчилан мэлэгдэлгүйгээр таны хэрэглэгчийн бүртгэлийг шууд устгах эрх эдэлнэ.
a.үйлчилгээний нөхцөл болон бусад дүрэм журмыг зөрчих
б.хууль хяналтын байгууллагын хүсэлтээр
в.таны өөрийн хүсэлтээр
г. техникийн доголдол
д.1 жилийн хугацаанд идэвхгүй байсан.
3.Өргөдөл гаргах, цахим хэлэлцүүлэгт оролцох
3.1.Өргөдөл гаргах, цахим хэлэлцүүлэгт оролцоход нийтийн ашиг сонирхлын үүднээс хууль тогтоомжийг боловсронгуй болгох, хуулийн хэрэгжилтэд хяналт тавих санал гаргах, тухай сэдэв нь ажил хэрэгч, товч тодорхой, ойлгомжтой, үндэслэлтэй байх шаардлагатай бөгөөд дараах зүй бус үйлдлийг хориглоно. Үүнд:
3.1.1.Хууль тогтоох байгууллагыг үл хүндэтгэсэн, садар самууныг сурталчилсан, хууль бус зар сурталчилгааны шинжтэй, 18-аас доош насныханд хориотой контент, алан хядах үйл ажиллагаа, үндэсний язгуур эрх, ашиг сонирхолд харшилсан, бусдын нэр хүндийг унагаасан, хувийн нууцад халдсан, ялгаварлан гадуурхсан үг хэллэг хэрэглэх, дайрч доромжлох, айлган сүрдүүлэх, заналхийлэх;
3.1.2.Системийн зохицуулагч болон бусад хүний нэрийг ашиглан ямар нэгэн хууран мэхлэх үйлдэл гаргах;
3.1.3.Хуулиар хориглосон, зохиогчийн эрх зөрчсөн материал нийтлэх;
3.1.4.Зар сурталчилгааны зорилготой цахим шууданг олноор илгээх;
3.1.5.Бусдад хохирол учруулах зорилгоор вирус болон бусад кодыг илгээх;
3.1.6.Системийн үйлчилгээг тасалдуулах, зогсоох, үйлчилгээний нөхцөл зөрчих;
3.1.7.Санаатай болон санамсаргүйгээр хууль тогтоомж, дүрмийг зөрчих;
3.1.8.Бусад хэрэглэгчдэд төвөг учруулах, тэдний талаар мэдээлэл цуглуулах, хадгалах;
- Сэдвийн хүрээнд хамааралгүй өөр бусад цахим хуудасны линк хаяг (URLs) тавих;
- Нэгээс илүү бүртгэл үүсгэх;
3.1.11.Орлогоо нэмэгдүүлэх зорилгоор хууран мэхлэх арга хэрэглэх, компьютерыг автоматжуулах төрлийн программ ашиглах;
4.Мэдээлэл ашиглах эрх
4.1.Хэрэглэгч нь манай үйлчилгээ, түүний аль нэг хэсгийг худалдах, ашиг олох зорилгоор хэрэглэх эрхгүй.
4.2.Системийн vйлчилгээнд зориулан ашиглагдаж байгаа программ хангамж, худалдааны тэмдэг, эмблем, лого бусад холбогдох баримтууд (Жишээ нь: өргөдлийн текст болон тайлбар) нь Зохиогчийн эрх болон түүнд хамаарах эрхийн тухай хууль, холбогдох бусад хууль тогтоомжоор хамгаалагдсан бєгєєд хувийн болон мэдээллийн зорилгоос бусад тохиолдолд хуулбарлан ашиглахыг хориглоно. Энэ заалтыг зөрчсөн бол хэрэглэгчийн эрхийг хаах ба хууль хяналтын байгууллагад хандана. Цахим хуудсын мэдээлэл болон агуулгыг ашиглах, гуравдагч этгээдэд дамжуулах тохиолдолд системийн админаас цахим шуудангаар зөвшөөрөл авна.
4.3.Хэрэглэгчийн гаргасан өргөдөл, цахим хэлэлцүүлэгт гаргасан саналыг УИХ-ын гишүүд бүрэн эрхийнхээ хүрээнд хэрэглэж болно.
5.Хариуцлага
5.1.Манай үйлчилгээгээр дамжуулан хийгдсэн хэрэглэгчийн үйлдэлд хэрэглэгч өөрөө бүрэн хариуцлага хүлээх бөгөөд тухайн хэрэглэгч гуравдагч этгээдэд болон манай сүлжээнд учруулсан хохирлыг зохих хуулийн дагуу барагдуулах үүрэгтэй.
5.2.Системийн зохицуулагч болон Өргөдлийн байнгын хорооны ажлын алба хэрэглэгчийн үйлдэлд аливаа хариуцлага хүлээхгүй.