Туул голын бохирдлын асуудлаар 5846 иргэнээс ирүүлсэн өргөдлийн дагуу холбогдох хууль тогтоомжийн хэрэгжилтийг судалж, шийдвэрийн төсөл боловсруулан Байнгын хорооны хуралдаанаар хэлэлцүүлэхэд бэлтгэх үүрэг бүхий ажлын хэсгийн тайлан.
Гэр хорооллын нөхцөлийг сайжруулах, дахин төлөвлөлтийн төслийг хэрэгжүүлэх явцад иргэдээс ирүүлсэн өргөдөл, төсөл хэрэгжүүлэгч зарим аж ахуйн нэгжүүдийн хүсэлтийг Байнгын хорооны 2015 оны 06 дугаар сарын 17-ны өдрийн хуралдаанаар хэлэлцэн 12 дугаар тогтоол батлав.
Боловсролын талаар төрөөс баримтлах бодлогыг тогтвортой, тууштай хэрэгжүүлэх, сургууль, цэцэрлэгийн хүрэлцээ, хангамжийг нэмэгдүүлэх, сургалтын хөтөлбөрийг сайжруулах, малчдын 6 настай хүүхдийн боловсролын асуудлыг анхаарах чиглэлээр иргэдээс ирүүлсэн өргөдлийг Байнгын хорооны 2015 оны 6 дугаар сарын 03-ны өдрийн хуралдаанаар хэлэлцэж, Байнгын хорооны 11 дүгээр тогтоолыг батлав.
Төрийн албан хаагчийг үндэслэлгүйгээр ажлаас чөлөөлсөн талаар иргэдээс ирүүлсэн өргөдлүүдийг Байнгын хорооны 2015 оны 06 дугаар сарын 03-ны өдрийн хуралдаанаар хэлэлцэн Засгийн газарт чиглэл өгөх тухай Байнгын хорооны 10 дугаар тогтоол батлав.
Хилийн боомтын тухай хуулийн хэрэгжилт, боомтуудын үйл ажиллагааны талаар иргэд, төрийн байгууллагуудаас ирүүлсэн саналыг Байнгын хорооны 2015 оны 05 дугаар сарын 12-ны өдрийн хуралдаанаар хэлэлцэн Засгийн газарт чиглэл өгөх тухай 08 дугаар тогтоолыг батлав.
Засгийн газрын “Газрыг улсын тусгай хэрэгцээнд авах тухай” 2011 оны 175 дугаар тогтоол нь хууль тогтоомжид нийцээгүй тул Монгол Улсын Үндсэн хуулийн Дөчин тав дугаар зүйлийн 2 дахь хэсэгт заасны дагуу Улсын Их Хурлаас хүчингүй болгох асуудлаар иргэнээс ирүүлсэн өргөдлийг тус Байнгын хорооны 2015 оны 04 дүгээр сарын 22-ны өдрийн хуралдаанаараа хэлэлцэн 06 дугаар тогтоол батлав.
Улсын Их Хурлын Өргөдлийн байнгын хороонд “Хувьцаа эзэмшигч, Хөрөнгө оруулагчдын эрхийг хамгаалах төв” ТББ-аас “Засгийн газарт хувьцаагаа буцаан худалдах буюу нэг сая төгрөг бэлнээр авах хүсэлтээ гаргасан боловч мөнгө нь олгогдоогүй иргэд 1072 хувьцаагаа буцааж үнэт цаасны дансандаа байршуулахыг хүссэн” тухай өргөдлийг ирүүлсэн.
Холбогдох хуулиудад нэмэлт, өөрчлөлт оруулах талаар судлан дүгнэлт гаргах үүрэг бүхий ажлын хэсгийг Улсын Их Хурлын гишүүн Д.Лүндээжанцангаар ахлуулан, Улсын Их Хурлын гишүүн Н.Номтойбаяр, Ж.Батзандан, Н.Батцэрэг, Д.Арвин нарын бүрэлдэхүүнтэй байгуулсан.
Ажлын хэсэг болон дэд хэсэг 2014 оны 01 дүгээр сарын 21, 4 дүгээр сарын 11-ний өдрүүдэд тус тус хуралдаж, дараах санал, дүгнэлтийг боловсруулан Байнгын хороонд танилцуулж байна.